Zyrtarët e VV’së presion Thaçit e Mustafës që ta publikojnë letrën ku LDK mandatohet për ta bërë Qeverinë

HomeAktualitet

Zyrtarët e VV’së presion Thaçit e Mustafës që ta publikojnë letrën ku LDK mandatohet për ta bërë Qeverinë

  • Te infektuar: 763
  • Sheruar: 166
  • Vdekur: 21

 

Zyrtarët e VV’së presion Thaçit e Mustafës që ta publikojnë letrën ku LDK mandatohet për ta bërë Qeverinë

Lajme

Gazeta Express

27/04/2020 12:26

Ministrja në detyrë e Drejtësisë, Albulena Haxhiu ka kërkuar nga presidenti i vendit dhe kreu i LDK’ë, që të publikojnë shkresën e dërguar për mandatarin te Lidhja Demokratike, shkruan Gazeta Express.

Haxhiu ka shkruar në Facebook se zyra e presidentit javën që ka shkuar ka konfirmuar se presidenti ka kërkuar nga LDK’ja, emrin për mandatar.

Ajo thotë se megjithatë, kjo shkresë nuk është publikuar ende në media.

“Zyra e Presidentit javës që shkoi u konfirmoi mediave që Presidenti ia kishte kërkuar emrin për mandatar, Kryetarit të LDK, Isa Mustafa. Jemi të gjithë dëshmitarë, sidomos vet gazetarët, se letrat e shkresat për këto tema drejtuar LVV dhe Kryeministrit Kurti, më parë dilnin në media se sa mbërrinin në zyrat tona. Çka u bë tash? Pse nuk e publikojnë këtë shkresë? Pse ky terr informativ? Pse kjo mungesë absolute e transparencës”, ka shkruar ajo, teksa ka kërkuar nga presidenti dhe kreu i LDK’së, që të publikojnë letrën.

Padyshim që ata janë të vetëdijshëm për arbitraritetin e tyre dhe se kjo është shkelje e Kushtetutës me paramendim”, ka shkruar Haxhiu.

Zyra e presidentit, javën e kaluar ka konfirmuar një takim të mbajtur në mes të  presidentit Hashim Thaçi dhe kreut të LDK-së, Isa Mustafa.

Aty është bërë e ditur se presidenti i ka dorëzuar Mustafës një letër ku i kërkon propozimin e mandatarit potencial për formimin e Qeverisë së Republikës së Kosovës, i cili duhet të sigurojë se do të krijojë Qeveri stabile dhe gjithëpërfshirëse./GazetaExpress/

COMMENTS

WORDPRESS: 0
DISQUS: 0