Vuçiq nervozohet me Hotin: Kjo është marrëzi…

HomeAktualitet

Vuçiq nervozohet me Hotin: Kjo është marrëzi…

Presidenti i Serbisë, Aleksandar Vucic, pasi uroi oficerët e rinj të ushtrisë serbe porositi se Kryeministri i Qeverisë së Kosovës, Avdullah Hotin, ‘të harrojë’ idenë se Kosova do të zbatimin e Asociacionit të Komunave Serbe atëherë kur Serbia të pranoj Kosovën. Ai u ankua se askush nuk po i tregon vendin kryeministrit kosovar që sipas tij ka thënë deklarata të pamatura para komitetit të çështjeve të jashtme të Parlamentit Europian lidhur me Asociacionin.

Sipas Vucic ndoshta Hoti e disa të tjerë, mendojnë “se jemi idiotë të gjithë këtu në Beograd” e ndoshta kalon ajo ide e llojit: “ishte çka ishte, shkojmë në ndonjë tjetër” nisi ankesën Vucic.

Sipas tij pala kosovare mendon se ekziston një ‘fuqi e padukshme’ që do të bëjë presion ndaj Boegradit, e që do të ndodhë kush e di se çfarë, e do të vjen tek njohja.
“Le ta harroj këtë”, porositi Vucici i irrituar e shtoi se Hoti mund të flasë ende ashtu, nëse e ka më të lehtë e nëse mendon t’i japë kurajë vetes e publikut, por kjo sipas tij është e dëmshme dhe e keqe, transmeton Gazeta Metro.

Vucic që nuk e kursen shumë bashkësinë ndërkombëtare, posaçërisht BE’në me kritika këtë vit reagoi edhe ndaj tyre kur u shpreh se “është e turpshme që askush nuk po reagon e nuk thotë se këto janë marrëzira” kur u përgjigj në pyetjen rreth deklaratave të kryeministrit Hoti. Ai shtoi se sipas tij Prishtina kishte vetëm një obligim për të kryer, zbatimin e Asociacionit të Komunave Serbe, dhe atë nuk e bënë ende pas 7 viteve e gjysmë.

“E tani thonë- ishte çka ishte, shkojmë në marrëveshje të re , që ne t’i pranojmë, e ata të formojnë Asociacionin…Me të vërtetë mendoni që në Serbi janë idiotë? Apo kështu mendon dikush tjetër?”, tha Vucic, transmeton Gazeta Metro.

Vucic nuk u kujdes për diplomaci aspak kur pretendoi se këto siç i quan ‘marrëzira’ të kryeministrit Hoti e të ja ketë thënë në fytyrë atij ‘disa herë’.

COMMENTS

WORDPRESS: 0
DISQUS: 0