Vetëvendosje punëson në Komunën e Mitrovicës Avni Zogianin e Fushë-Kosovës

HomeAktualitet

Vetëvendosje punëson në Komunën e Mitrovicës Avni Zogianin e Fushë-Kosovës

Anëtari i Lëvizjes Vetëvendosje nga Fushë Kosova, Avni Zogiani, është i emëruar politik në kabinetin e kryetarit të Mitrovicës, Agim Bahtiri.

Mosardhja e në punë dhe prejardhja e tij po shihen si shkelje nga Remzi Rrahmani, asambleist komunal i Partisë Demokratike.

“Paguhet nga taksat e qytetarëve të Mitrovicës dhe mosprezenca e tij në punë është shkelje. Mitrovica ka njerëz ekspertë të mjaftueshëm, nuk ka nevojë të dalë jashtë komunës së Mitrovicës. Kjo është shkelje edhe në aspektin moral”, thotë ai, njofton Klan Kosova.

Por vetë Zogiani thotë se puna e tij nuk është brenda zyrave. Ndërsa shpjegon se raporti i tij me Bahtirin është ndërtuar që nga koha kur ishte zëvendësministër i Infrastrukturës dhe Ambientit.

“Puna e anëtarëve të kabinetit është në zyrë, por edhe në terren. Jo vetëm për shkak të pandemisë, por edhe për shkak se një pjesë e madhe e punëve të të emëruarve politikë ka të bëjë me punën në terren. Kryetari Bahtiri që në fillim ka pasur një ide që puna ime të jetë koordinimi i raporteve të Komunës së Mitrovicës me akterë jashta komunës”, sqaron Zogiani.

COMMENTS

WORDPRESS: 0
DISQUS: 0