Të enjten seancë, PDK-ja e tërheq kërkesen për të debatuar për taksën prej 5 eurove për vetura

HomeAktualitet

Të enjten seancë, PDK-ja e tërheq kërkesen për të debatuar për taksën prej 5 eurove për vetura





Shefja e Grupit Parlamentar të Lëvizjes Vetëvendosje, Mimoza Kusari-Lila, ka bërë të ditur se edhe të enjten do të ketë seancë të rregulltë.Ajo në një konferencë për media pas përfundimit të mbledhjes së kryesisë së Kuvendit ka thënë se mbledhja do të fillojë nga ora 10.

“Ne u dakorduam që seancën e rregullt ta mbajmë më 22 korrik nga ora 10:00. Po ashtu edhe të mërkurën do të kemi vazhdimin e seancës e cila nuk u mbajt sot dhe do të mbahet nga ora 10:00”,ka thënë ajo.

Në seancë do të ketë debat parlamentar që është nisur nga Partia Demokratike e Kosovës për të diskutuar për vendosjen e taksës prej 5 eurove për letërngjitësin që dëshmon regjistrimin e automjeteve.

Shefi i Grupit Parlamentar të Partisë Demokratike të Kosovës, Abelard Tahiri, ka thënë se ata e kanë tërhequr kërkesën për mbajtjen e debatit parlamentar. Kjo pasi nuk kanë marrë një përgjigje nëse në seancë do të jetë i pranishëm edhe ministri i Infrastrukturës, Liburn Aliu.





COMMENTS

WORDPRESS: 0
DISQUS: 0