Studentët nesër në protestë kundër vendimit të Ministres së Arsimit për emërimet në Këshillin Drejtues

HomeAktualitet

Studentët nesër në protestë kundër vendimit të Ministres së Arsimit për emërimet në Këshillin Drejtues

Vendimi i Ministres në detyrë të Arsimit, Hykmete Bajramit, lidhur me emërimet në Këshillin Drejtues të Universitetit të Prishtinës, po konsiderohet skandaloz dhe i rrezikshëm për studentët.

Sipas Organizatës Studim Kritikë Veprim, si shenjë pakënaqësie do të ketë protoestë para MASHT-it, qysh nga mëngjesi i së martës.

”Kërkesa jonë e paralajmëruar disa ditë më parë, sot është shndërruar në një paralajmërim për një protestë për nesër, me një kërkesë sa të drejtë aq edhe të sinqertë”.

”Vendimi i Ministres së Arsimit, Hykmete Bajrami të tërhiqet prapa, pasi për aq sa është vendim skandaloz është edhe i rrezikshëm për Universitetin e Prishtinës”, është shprehur Flamur Pireva nga Organizata, Studim Kritikë Veprim.

Pse këto pakënaqësi nga vendimi i Ministres Hykmete Bajrami?

”Tre anëtarë të ri të emëruar të Këshillit Drejtues, dy prej të cilëve janë punonjës të kolegjeve private, për ne përbëjnë cenim direkt në autonominë e Universitetit të Prishtinës për shkak se kolegjet private do të kenë kontroll të shtuar dhe qasje në Universitetin e Prishtinës”.

”Ne besojmë shumë që Universitetet dhe kolegjet private të tjera, duhet të jenë komplementare me Universitetin e Prishtinës, por assesi konkurruese me të dhe të përpiqen që standardin dhe kriteret e universitetit”.

Pireva nga Organizata Studentore thotë se kjo është ndërhyrje në autonominë e Universitetit të Prishtinës.

”Ai duhet të jetë i pavarur nga interferencat e bizneseve dhe bizneseve tjera konkuruese”

”Konflikti i interesit përbënë një rrezik të lartë meqë Universiteti i Prishtinës është më kredibil dhe më i madh për nga numri i studentëve”

COMMENTS

WORDPRESS: 0
DISQUS: 0