Shkarkohet drejtori i Përgjithshëm i Autoritetit të Aviacionit Civil të Kosovës

HomePolitike

Shkarkohet drejtori i Përgjithshëm i Autoritetit të Aviacionit Civil të Kosovës

Kryeministri në detyrë i Kosovës Albin Kurti, në mbledhjen e 30-të të qeverisë së Kosovës ka marrë vendim që ta shkarkoj nga detyra Drejtorin e Përgjithshëm të Autoritetit të Aviacionit Civil, Eset Berisha.

Në njoftimin e qeverisë thuhet se shkarkimi i Berishës ka ardhur për shkak të shkeljeve të detyrave të tij profesionale.

Komunikata e qeverisë:

Qeveria në detyrë e Republikës së Kosovës, ka zhvilluar mbledhjen 30-të të saj, mbledhje korresponduese, në pajtim me Rregulloren e Punës së Qeverisë.

Në mbështetje të kompetencave të Qeverisë, përkatësisht nenit 20, paragrafi 4, pika a) e Ligjit Nr. 03/L-051 për Aviacionin Civil, Qeveria në detyrë e Republikës së Kosovës, sot ka shkarkuar Drejtorin e Përgjithshëm të Autoritetit të Aviacionit Civil, z. Eset Berisha për shkak të shkeljeve të detyrave të tij profesionale. Z. Berisha ka hartuar dhe nënshkruar Rregulloren e brendshme të AAC-së në kundërshtim me ligjin, ka degraduar stafin menaxhues pa vlerësim të përformancës, ka mbajt detyra tjera me pagesë njëkohësisht, dhe ka rrezikuar Qeverinë e Republikës së Kosovës në dërgim në arbitrazh.

Emërimi i z. Eset Berisha, si Drejtor i Përgjithshëm i AAC-së ka qenë në kundërthënie me ligjin qysh prej fillimit, prandaj Qeveria e Republikës së Kosovës, duke pasur në interes zbatimin e plotë të ligjit dhe interesin publik prioritet, ka marr vendim për shkarkimin e z. Berisha, dhe emërimin e z. Arianit Islami, Ushtrues Detyre i Drejtorit të Përgjithshëm të AAC-së, deri në marrjen e rekomandimit të Ministrit të Infrastrukturës dhe Ambientit për emërimin e drejtorit të ri, sipas legjislacionit në fuqi.

COMMENTS

WORDPRESS: 0
DISQUS: 0