Reagon Rrjeti i Grave të Kosovës: Të ndalen sulmet ndaj Vjosa Osmanit!

HomeAktualitet

Reagon Rrjeti i Grave të Kosovës: Të ndalen sulmet ndaj Vjosa Osmanit!

Rrjeti i Grave të Kosovës ka shprehur të jenë të shqetësuar për sulmet e vazhdueshme dhe shpifjet ndaj kryeparlamentares, Vjosa Osmanit.Duke përsëritur kërkesën që të ndalen sulmet ndaj grave në politikë dhe vendimmarrje, përmes kësaj letre bëjmë thirrje që të mos cenohet integriteti dhe kontributi i Osmanit në sferën publike.
“Osmani është figurë publike dhe është e angazhuar në politikë tash e një kohë të gjatë, andaj, puna dhe performanca e saj duhet vlerësuar mbi kritere të jetës publike dhe institucionale, dhe asnjëherë duke u nisur nga një mendësi patriarkale dhe një diskurs që në qendër ka familjen.”, thekson komunikata.

Rrjeti i Grave tutje vlerëson se kundërshtimet politike si dhe mospajtimet institucionale duhet të shprehen pa linçime të tilla ndaj familjarëve të palëve të përfshira.Shpifja dhe fyerja, sipas Ligjit nr. 02/L-65 të Republikës së Kosovës cilësohen si vepra penale dhe janë të dënueshme më ligj, andaj me qëllim të ndërtimit të një shoqërie demokratike që promovon lirinë e shprehjes, mirëpo parandalon gjuhën e shpifjes dhe atë të fyerjes, RrGK kërkon që shpifjet ndaj Osmanit të trajtohen përkitazi me ligjin në fuqi.Çdo përpjekje për të zvogëluar kontributin e grave në politikë dhe në sferën publike është vetëm hap prapa në arritjen e synimit tonë të përbashkët për një shoqëri të lirë, demokratike dhe të barabartë.

COMMENTS

WORDPRESS: 0
DISQUS: 0