Reagojnë nga VV-ja pas përfundimit të seancës së Kushtetueses, kërkojnë zgjedhje të reja

HomePolitike

Reagojnë nga VV-ja pas përfundimit të seancës së Kushtetueses, kërkojnë zgjedhje të reja

Anëtarja e Lëvizjes Vetëvendosje, Arbërie Nagavci e ka cilësuar vendimin e Gjykatës Kushtetuese për rastin e deputetit Etem Arifi të një rëndësie të jashtëzakonshme.

Sipas tij deputetët e zgjedhur në mënyre të kundërligjshme legjitimojnë krimin dhe kriminelët në Kuvend, shkruan Gazeta Express.

“Vendimi i Gjykatës Kushtetuese në lidhje me rastin Arifi është i një rëndësie të jashtëzakonshme. Legjitimimi i deputetëve të zgjedhur në mënyrë të kundërligjshme, legjitimon krimin dhe kriminelët në Kuvend. Shitblerja e votës përveç se me favore e të mira publike do të bëhet e zakonshme edhe me paratë e krimit. Kjo s’duhet lejuar dhe s’guxon të ndodhë”, ka shkruar ajo në një postim në “Facebook”.

Nagavci më tutje theksoi se sipas Ligjit për Zgjedhjet e Përgjithshme përcaktohet qartë që dënimi i një anëtari të Kuvendit për vepër penale është pengesë absolute.

“Ligji për Zgjedhjet e Përgjithshme e përcakton qartë që dënimi i një anëtari të Kuvendit për vepër penale është pengesë absolute, dhe tutje e ndalon shprehimisht kandidimin për t’u zgjedhur deputet një shtetasi të Kosovës nëse është shpallur fajtor për vepër penale me një veprim të prerë në tre vitet e fundit. Vendi ka nevojë urgjente për zgjedhje të reja, çkapje të institucioneve e rregullim politik dhe njëkohësisht dhe për rregullim të gjendjes juridike”, përfundon postimi i saj. /Gazeta Express/

COMMENTS

WORDPRESS: 0
DISQUS: 0