Personi 44-vjeçar vd iq sot në ditën e parë të punës

HomeAktualitet

Personi 44-vjeçar vd iq sot në ditën e parë të punës

Sipas SPSPK, në vitin 2020, 12 persona humben jetën në vendin e tyre të punës.

Kishte lënë Suharekën, për të punuar në Prishtinë.

Por, dita e parë e punës doli të jetë tragjike për Veprim Bukoshin.

44-vjeçari, humbi jetën në vendin e tij të punës, në Lagjen “Prishtina e Re”, pas orës 17 të së hënës.

Ndërkohë, T7 nuk u la të filmonte në vendin ku ndodhi rasti.

Por televizioni merr vesh, se i ndjeri, kishte rënë nga kati i tretë i kësaj ndërtese, saktësisht në venin e paraparë për ashensor.

E lëndimeve të marra, ai nuk arriti t’iu bëj ballë, ndërsa ndërroi jetë në QKUK.

Rastin e kanë konfirmuar edhe në Policinë e Kosovës.

Fatin e njëjtë si të 44-vjeçarit deri më tani e kanë pasur edhe disa punëtorë të tjerë.

E numri i tyre sipas sindikatës së pavarur të sektorit privat është shqetësues.

E 6 nga 12 punëtorët e vdekur, sipas Azemit, janë nën moshën 40-vjeçare.

Ndërsa shton, se shqetësuese është edhe mungesa e madhe e inspektorëve mbikëqyrës në nivel vendi.

Në fund, Azemi thotë se nëse 10% do të zbatohej Ligji i Punës dhe Marrëveshja Kolektive, rastet e vde kjeve në punë, do të ishin shumë më të vogla.

Ndryshe, vitin e kaluar, në vend u shënuan 17 raste të vde kjes në vendin e punës.

Ndërsa në vitin 2018, gjithsej 29 persona humben jetën tragjikisht në punë.

COMMENTS

WORDPRESS: 0
DISQUS: 0