Përqarje në LDK, Lutfi Haziri e quan katastrofal takimin e Hotit në Bruksel

HomePolitike

Përqarje në LDK, Lutfi Haziri e quan katastrofal takimin e Hotit në Bruksel

Njëri prej njerëzve kryesor në LDK, Lutfi Haziri, e ka komentuar me një fjalë negative takimin e Avdullah Hotit në Bruksel. E ka quajtur katastrofal pjesëmarrjen e Kryeministrit të Kosovës në dialogun me Serbinë të ndërmjetësuar nga BE’ja.“Katastrofal”, ka thënë Haziri, për Express, kur është pyetur nëse ka ndonjë koment lidhur me takimin e Hotit në Bruksel që pritet të vazhdojnë edhe javët e ardhshme.Nënkryetari i LDK’së ka pasur vlerësime të këqija për Hotin edhe më herët. Kishte thënë se Qeveria që po ndërtohej prej LDK’së, AAK’së, NISMA’s e Srpskas nuk i beson.

“Po ndërtohet një Qeveri të cilës unë nuk i besoj”, kishte thënë Haziri.Ndërkohë, Kryetari i Gjilanit ka kundërshtuar edhe vendimet e Qeverisë për masat shtrënguese, të cilat më herët ishin shpallur antikushtetuese.Sidoqoftë, Shefi i Ekzekutivit shkoi javën e kaluar në Bruksel ku rinisi bisedimet me Serbinë. Tha se atje u hapen temat e të zhdukurve dhe bashkëpunimi ekonomik.

Nuk komentoi akuzat që i erdhën se ishte i gabim shkuarja në Bruksel. Tha se shkoi në kryeqendrën europiane për të përfaqësuar Shtetin ashtu siç i përcaktohet me Kushtetutë.Avdullah Hoti erdhi në pozitën e Kryeministrit pasi dështoi “Koalicioni i Shpresës” i ndërtuar ndërmjet LDK’së dhe VV’së. Hoti në atë koalicion ishte Zëvendëskryeministër që ishte shkarkuar nga Kurti posa kishte marrë informacione se i njëjti mund t’ia zë vendin.Aktualisht, Qeveria i ka vetëm 61 vota në Parlament. Një ia pati siguruar Presidenti Hashim Thaçi duke i shkuar në shtëpi, në gjysmë të natës, deputetit të NISMA’s, Haxhi Shalës. Tash edhe Zyra e Presidentit ka dalë kundër Hotit duke kundërshtuar për veprimet që po i bën në raport me dialogun me Serbinë. Njëjtë po vepron edhe PDK’ja, e cila akuzoi Hotin se ka mashtruar në Kosovë kur ka thënë se do të ketë një fond më shumë se një miliard euro për rimëkëmbje ndërsa është mashtruar në Bruksel nga Serbia.Kosova dhe Serbia dialogojnë prej kohës së luftës kur kosovarët nënshkruan Marrëveshjen e Rambujës dhe pala serbe jo. Raundi i dytë i bisedimeve është zhvilluar në Vjenë ku është propozuar Pavarësia nga Marti Ahtissari, i cili kishte qenë ndërmjetës kryesor i bisedimeve.Prej vitit 2011 Kosova dhe Serbia zhvillojnë bisedime në Bruksel. Atje janë nënshkruar disa marrëveshje shumica e të cilave kurrë nuk janë zbatuar.Tash, përsëri dialogu ka nisur në Bruksel pas dështimit të bisedimeve të paraparë ndërmjet Kosovës dhe Serbinë në Shtëpinë e Bardhë.Avdullah Hoti ka paralajmëruar se brenda këtij muaji do të ketë edhe një raund bisedimesh në Washington.

COMMENTS

WORDPRESS: 0
DISQUS: 0