Pacolli: Po të isha kryeministër i Kosovës do të bëja mrekulli

HomeAktualitet

Pacolli: Po të isha kryeministër i Kosovës do të bëja mrekulli

Kryetari i AKR-së, Behgjet Pacolli ka thënë se pjesëmarrja e kësaj partie në listën zgjedhore të LDK-së për zgjedhjet e 14 shkurtit, do ta rris votën e LDK-së.

“Po të ishim bashkë në vitin 2017, LDK-ja do të dilte e para në zgjedhje aso kohe. Për votuesit e AKR-së është kënaqësi ta votojë listën e LDK-së, sepse jemi një brum”, ka thënë Pacolli.

Ai ka thënë se nuk do të tërhiqet nga politika kosovare, edhe pse ndjehet i përmbushur në jetë me çdo gjë, transmeton Ballkani.info.

“Në jetën time jam i përmbushur, e kam arritur çdo gjë në jetë dhe politikën nuk e kam pasur nevojë. Por ideja që të kontribuoj për vendin tim, me ka shtyrë të jem në politikë”, ka thënë Pacolli në RTK.

Sipas tij, dëshira e tij e parealizuar mbetet që asnjëherë nuk e ka pasur timon e qeverisë.

“Të paktën dy vite do të doja ta drejtoja Qeverinë e Kosovës. Ato dy vite do të quheshin si mrekullia e qeverisjes kudo në Evropë. Do të isha një kryeministër që retorikën do ta linte anash, dhe synimin do ta arrija përmes ekonomisë. Me mbetet merak që këtë ta arrija me rezultate të prekshme”, ka thënë Pacolli.

COMMENTS

WORDPRESS: 0
DISQUS: 0