“Marrin pjesë tre lobistë shqiptarë”, në Serbi shqetësohen për mbledhjen e sotme të Kongresit amerikan

HomeAktualitet

“Marrin pjesë tre lobistë shqiptarë”, në Serbi shqetësohen për mbledhjen e sotme të Kongresit amerikan

Në Serbi nuk po pritet aspak mirë seanca dëgjimore e cila do të mbahet sot në Komisionin për Punë të Jashtme të Dhomës së Përfaqësuesve të Kongresit të SHBA-së, në të cilën do të marrin pjesë edhe ekspertët për Ballkanin Perëndimor. Aty do t’i jepen rekomandime administratës së ardhshme, të udhëhequr nga Joe Biden, mbi qëndrimet që duhet të mbajnë ndaj rajonit tonë dhe për raportet Kosovë-Serbi.

Mediumi i madh serb, B92, shkruan se “Fati i marrëdhënieve SHBA-Serbi po formësohet nga një organ amerikan që është mbledhur sot. Të ftuar tre lobistë shqiptarë”, transmeton Gazeta Express.

Komiteti, i kryesuar nga Kongresmeni Eliot Engel, po shqyrton rekomandimet për qasjet politike që administrata e Presidentit të zgjedhur Joe Biden mund të zbatojë në Ballkanin Perëndimor. Në seancë do të marrë pjesë edhe Madeleine Albright, e cila shërbeu si ambasadore e SHBA-së në OKB e sekretare e shtetit gjatë viteve 1990, si dhe ishte aktive gjatë konflikteve në Ballkan në vitet 1990.

Daniel Serwer, një profesor në Shkollën e Studimeve të Avancuara Ndërkombëtare të Universitetit Johns Hopkins dhe një njohës i mundësive në Ballkan, duhet gjithashtu të marrë pjesë në diskutim si ekspert.

Albright, Engel dhe Server konsiderohen si lobistë shqiptarë, shkruan mediumi serb.

Pjesëmarrja e Janusz Bugajski, një përfaqësues i Fondacionit joqeveritar Jamestown, gjithashtu një ekspert për çështjet e Ballkanit, është njoftuar gjithashtu, sipas Zërit të Amerikës.

Në një intervistë me Zërin e Amerikës, Zëvendës Ndihmës Sekretari i Shtetit dhe Përfaqësuesi Special i Administratës së SHBA-së për Ballkanin, Matthew Palmer, kohët e fundit foli për qëndrimin e SHBA-së ndaj Ballkanit Perëndimor dhe ai beson se qasja e SHBA-së nuk do të ndryshojë.
Siç vuri në dukje ai, administratat ndryshojnë, por jo bazat e qasjes amerikane ndaj Ballkanit Perëndimor.

Megjithatë, siç raportoi gazeta boshnjake, “Avaz“, në adresimin e tij, Serwer do t’i bëjë thirrje administratës së ardhshme të SHBA-së që të angazhohet më fort për njohjen e plotë të shtetësisë së Kosovës nga Serbia e Bosnja, si dhe për parandalimin e shkëputjes së Republika Srpskas. /Express/

COMMENTS

WORDPRESS: 0
DISQUS: 0