Këshilltari qeveritar i Albin Kurtit: Kosova është Serbi

HomeAktualitet

Këshilltari qeveritar i Albin Kurtit: Kosova është Serbi

Me veç një fjali, zyra e kryeministrit në detyrë të Kosovës, siç nuk ka ndodhur asnjëherë më parë në këto muaj të punës së kësaj qeverie, kanë njoftuar për emërimin e një këshilltari të Albin Kurtit, që do të udhëheq edhe Zyrën për Çështje të Komuniteteve.

Cvetko Veljkovic, një emër i panjohur më parë në politikë, e ka zëvendësuar sot si këshilltar të kryeministrit, Nenad Rashiqin. Kjo pasi që ky i fundit dha dorëheqje nga pozitat që mbante në qeveri, pas ngritjes së aktakuzës nga Prokuroria Speciale.

Zyra e kryeministrit nuk ka dhënë detaje lidhur me Veljkovic siç kanë bërë kur janë emëruar këshilltarët e tjerë. Në njoftimin e nisur për media shkruhet se ai është ekonomist me profesion e vjen nga Shtërpca.

Njoftimi i zyres se kryeministrit ne detyre

Megjithatë më shumë për qëndrimet e Veljkovic mund të vërehet nëse shikohet profili i tij në Facebook.

Këshilltari më i ri i kryeministrit në detyrë Albin Kurtit, përmes këtij rrjeti social ka bërë jo pak herë thirrje nacionaliste kundër kosovarëve.

Sipas tij, Kosova është pjesë e Serbisë, bombardimet e NATO’s janë gabim e gjithashtu edhe njohjet e reja.

COMMENTS

WORDPRESS: 0
DISQUS: 0