Haziri: 15 marsin do ta kthejmë në festë, do ta rikthej LDK-në në partinë e parë

HomeAktualitet

Haziri: 15 marsin do ta kthejmë në festë, do ta rikthej LDK-në në partinë e parë

Lutfi Haziri sot përmes një konferencë shtypi ka shpallur zyrtarisht kandidaturën për kryetar të LDK-së, shkruan IndeksOnline.

Haziri ka thënë se këto zgjedhje të LDK-së janë për të afruar ata që janë larguar të pakënaqur dhe të dëshpëruar.

Ai tha se ka ardhur koha për ndryshim dhe ky rikthim i madh i LDK-së është guardian i politikës.

“Zhvillim, prosporitet dhe barazi për të gjithë, në fund LDK-ja lindi për të shkaktuar procese të mëdha, për të realizuar ëndërrën e qytetarëve për liri dhe pavarësi.

15 marsin do ta kthejmë në festë për demokraci të brendshme dhe që do ta rikthejë aty ku e ka vendin, në vendin e parë”, tha ai.

Haziri për largimin e u.d presidentes Vjosa Osmanit nga LDK-ja tha se është pjesë e gabimeve politike që kanë shkaktuar në hapat e viteve të fundit.

Kurse, edhe dy emrat e tjerë, Lumir Abdixhiku dhe Anton Quni janë zyrtarisht kandidatë për kryetar të ri të Lidhjes Demokratike të Kosovës.

Haziri për ta tha se “janë kolëgë të respektuar dhe i kam miq, kemi bashkëpunuar në struktura dhe në rrethana të ndryshme”.

Zgjedhjet e brendshme të LDK-së për zgjedhjen e kryetarit të ri do të mbahen, më 14 mars, të dielën./IndeksOnline/

COMMENTS

WORDPRESS: 0
DISQUS: 0