Eskalon debati mes Driton Selmanaj dhe Rexhep Selimit

HomeAktualitet

Eskalon debati mes Driton Selmanaj dhe Rexhep Selimit

Gjatë debatit që po mbahet në Kuvend, zëvendëskryeministri Driton Selmanaj e ka vlerësuar fitore të madhe për Kosovën marrëveshjen e Uashingtonit me Serbinë.

Ai në seancën e sotme plenare tha se marrëveshja e 4 shtatorit në Shtëpinë e Bardhë është hapi më i madh i Kosovës që nga shpallja e pavarësisë.
Por ndaj tij ka reaguar shefi i grupit parlamentar të Lëvizjes Vetëvendosje Rexhep Selimi, i cili e kritikoi Selmanajn për të ashtuquajturën fitore kur sipas tij “është ndarë Ujmani”.
Selmanaj vuri në dukje se Marrëveshja si e tillë është hapi më i madh që nga shpallja e pavarësisë së Kosovës.

“Nuk po i jap epitete si hap historik se i ka dhënë Shtëpia e Bardhë, por është hap i madh drejt hapit historik që do të përmbyllet me njohjen, e cila do të jetë së shpejti”, tha ai.

Ndërsa deptuteti Selimi ju drejtua duke ju thënë se ju përveç se jeni të këqij, përnjëmend jeni të padurueshëm.

“Përveç që jeni të këqij përnjëmend jeni të padurueshëm. Po çfarë zëvendëskryeministri je ti kur del këtu edhe përveç ironisë bën shaka për atë që keni bërë më 4 shtator. Qysh po e quani fitore, fitore e madhe për ty ndoshta, po qysh po e quan fitore ke shkuar atje, ke ndarë Ujmanin me Serbinë, a s’po të vjen marre, a? Qysh po e quan fitore ti kufirin shtetëror e ke zhbërë, e ke quajtur marrëveshje? Pikë e përbashkët thua se është në Palestinë atje!”, tha ai.

COMMENTS

WORDPRESS: 0
DISQUS: 0