Bërnabiq: Nuk besoj në Shtetet e Bashkuara ose në BE-në, besoj vetëm tek ne

HomePolitike

Bërnabiq: Nuk besoj në Shtetet e Bashkuara ose në BE-në, besoj vetëm tek ne

Kryeministrja serbe, Ana Bërnabiq vlerësoi se qëndrimi i Serbisë, kur bëhet fjalë për zgjidhjen e çështjes së Kosovës, është aq komplekse saqë, siç thotë ajo, ajo nuk llogarit në mbështetjen e SHBA-së ose BE-së, por mbështetet në arsyen tonë, inteligjencën dhe aftësitë e mëdha energjetike dhe politike të Aleksandar Vuçiq.

Duke folur në Tv Pink, Bërnabiq, tha se nuk ishte rastësi që sipas saj propozim aktakuza ndaj presidentit të Kosovës, Hashim Thaçi u vu në qendër të vëmendjes tani.

“Nuk mendoj se koha është e rastësishme në asnjë rast. Në njëfarë mënyre vjen shumë shpejt pasi Thaçi tha që Lajçak është dikush me të cilin nuk do të flasë. Por kjo tregon hipokrizinë e bashkësisë ndërkombëtare”, tha Brnabiq, transmeton Klan Kosova.

Ajo shtoi se “Hashim Thaçi dhe Kadri Veseli ishin njerëz të rrezikshëm për të cilët Serbia ka aktakuzë”.

Kryeministrja serbe theksoi se i dërguari special i presidentit amerikan, Richard Grenell, ka energji të jashtëzakonshme dhe se ai nuk heq dorë kaq lehtë.

“Ajo që do të ndodhë më pas varet nga fuqitë e mëdha, shumë më të forta se ne. Ne po mundohemi të gjejmë një mënyrë paqësore, një rrugë të menduar mirë, të ruajmë paqen dhe stabilitetin dhe t’i ruajmë serbët në Kosovë. A është e lehtë? Më duket se nuk ka qenë kurrë më vështirë ”, tha Brnabiq.

COMMENTS

WORDPRESS: 0
DISQUS: 0