Adrijana Hoxhiq tregon se do ta votojë Kurtin për kryeministër, por me një kusht

HomePolitike

Adrijana Hoxhiq tregon se do ta votojë Kurtin për kryeministër, por me një kusht

Adrijana Hoxhiq nga Partia Ujedinjen Zajedinca do të jetë deputete në legjislaturën e re të Kuvendi të Kosovës nga komuniteti boshnjak.

Për 5183 votat e marra ajo u akuzua se pati marrëveshje me Listën Serbe që të votohet edhe në komunat me shumicë serbe.

Por, Hoxhiq mohoi një gjë të tillë duke thënë se u votua falë aktivitetit të saj politik të mëhershëm. Derisa votat nga serbët dhe komunitetet tjera po i konsideron demokratike dhe që i shërbejnë një shteti multientik.

“Në secilën komunë që kam marrë vota, i kam marrë ato nga të gjitha komunitetet. Unë punoj shumë afër me qytetarë dhe e kam pasë një princip shumë të logjikshëm gjatë prezantimit. Angazhimi im në komunën e Mitrovicës sime është një fakt që multietniciteti dhe bashkëjetesa ekziston pikërisht për shkak të kontributit tim në qeverisjen lokale. Unë i përkrahi të gjitha komunitetet dhe për këtë arsye kam qenë e përkrahur nga të gjitha komunitetet”.

“Është demokraci të votohet qytetari kënd të do. I inkurajoj të gjitha subjektet që t’i shfrytëzojnë krejt mekanizmit ligjorë. Për mua s’është shkelje e ligjit. Unë do të jem krejtësisht e pavarur. Unë jam për demokraci dhe jam për respektim të legjislaturës. Në listën time janë të gjithë boshnjakë të vërtetë. Dhe e di që ne kemi do të punojmë për komunitetin boshnjak dhe në këtë aspekt do t’i ndihmojmë edhe komuniteteve tjera”.

Hoxhiq ka thënë se votën e saj pro qeverisë që do të formohet nga Lëvizja Vetëvendosje do ta kushtëzojë me kërkesën për krijimin e dy komunave me shumicë boshnjake.

“Ne s’kemi asgjë kundër Vetëvendosjes. Është partia që ka marrë më shumë vota dhe është vullneti i qytetarëve. Kërkesa ime është formimi i dy komunave të boshnjakëve. Shpresoj që Kurti me aktivitetin e tij do të tregojë që komuniteti boshnjak është i mirëseardhur. E vetmja mënyrë që boshnjakët të mbesin si boshnjakë dhe jo të asimiluar është themelimi i komunave me shumicë boshnjake”, ka thënë Hoxhiq në Klan.

Megjithatë, Hoxhiq ka thënë se ende nuk është e vendosur 100 për qind nëse do të veprojë në këtë mënyrë, ndërsa ka shtuar se nuk do ta pengojë zgjedhjen e Vjosa Osmanit presidente me arsyen se nuk bën tregti me votën.

Duda Balje, ish-deputete nga komuniteti boshnjak, më herët ka thënë se ka plan që pas krijimit të komunave me shumicë boshnjake, ato do t’i bashkohen Asociacionit të Komunave me Shumicë Serbe, duke u bërë sistem paralel i Kosovës.

COMMENTS

WORDPRESS: 0
DISQUS: 0