Aderimi i sotëm në VV, homofob dhe ish-mbështetës i Gëzim Kelmendit

HomeAktualitet

Aderimi i sotëm në VV, homofob dhe ish-mbështetës i Gëzim Kelmendit

Ish-kryetari i partisë Fjala ne Podujevë, Xhevdet Maloku, i është bashkuar Lëvizjes Vetëvendosje. I njëjti, në llogarinë e tij nëpër rrjete sociale, ka shpërndarë kritika ndaj Qeverisë për mbështetjen e komunitetit LGBT.

Albin Kurti sot njoftoi për disa aderime brenda partisë së tij, Lëvizjes Vetëvendosje, një ndër ta edhe Xhevdet Maloku.

“Kryetari i Lëvizjes Vetëvendosje, Albin Kurti, si dhe kandidati për kryetar komune, Shpejtim Bulliqi, e mirëpriten në zyret e Lëvizjes Xhevdet Malokun, ish kryetarin e partisë Fjala në Podujevë si dhe sot u anëtarësua në Qendrën e Besianës,” thuhet në njoftimin e Lëvizjes Vetëvendosje.

Sipas VV’së, Xhevdet Maloku është magjistër i ekonomisë, punon në postën gjermane në Kosovë si dhe ka qenë ish-kryetar i partisë ‘Fjala’ në Podujevë.

Mirëpo, pavarësisht lëvdatave që iu thuren nga shefi i tij i ri, Maloku i cili ka qenë pjesë e partisë Fjala të udhëhequr nga Gëzim Kelmendi, siç duket është edhe homofob.

I njëjti në faqen e tij në Facebook, mes tjerash ka kritikuar Qeverinë e Kosovës për mbështetjen që i ka dhënë komunitetit LGBT.

COMMENTS

WORDPRESS: 0
DISQUS: 0