177 persona gjenden në karantinë

HomeAktualitet

177 persona gjenden në karantinë

Qendra e Studentëve tash e dy muaj po shërben si karantinë për të riatdhesuarit në Kosovë. Në konviktin 6 dhe 8 gjatë së premtes kanë qenë të siste

Haxhiu uron Bajramin: Festojmë në rrethana krejtësisht ndryshe
Shteti i parë në Evropë që rihap shkollat
Zyrtare: Amerika dërgon 400 ushtarë në Kosovë, zbardhet dokumenti!

Qendra e Studentëve tash e dy muaj po shërben si karantinë për të riatdhesuarit në Kosovë.

Në konviktin 6 dhe 8 gjatë së premtes kanë qenë të sistemuar mbi 170 banorë.

Drejtori i Qendrës së Studentëve, Fatmir Sfishta, thotë për KosovaPress se vetëm gjatë ditës së djeshme kanë ardhur nga Kroacia, Sllovenia dhe Zvicra rreth 100 shtetas.

“Për momentin janë 177 persona që gjenden në karantinë, në konviktin 6 edhe në konviktin 8 janë të sistemuar. Ditën e djeshme kanë ardhur rreth 100 persona jashtë Kosovës, kryesisht nga Kroacia, Sllovenia dhe një kontingjent ka ardhur nga Zvicra. Nuk kemi informacione të sakta se çfarë numri do të vjen sot, por ne jemi të gatshëm të pranojmë sado që të vijnë”.

Mëngjesin e së premtes, Ambasada e Kosovës në Slloveni në koordinim me institucionet e Kosovës ka mundësuar kthimin në Kosovë edhe të 47 bashkatdhetarëve që ndodheshin në Slloveni, të cilët kishin raste urgjente shëndetësore dhe të natyrave tjera.

Sfishta ka njoftuar se mbrëmë janë liruar disa persona të cilët kanë rezultuar negativ me Covid-19.

“Dje aq sa janë testuar nuk e di numrin e saktë, por janë liruar mbrëmë në orët e vona ata që kanë dalë negativë. Të gjithë kanë dalë negativë”.

Ai ka treguar se gjatë verës në rast se do të merret vendim që Qendra e Studentëve të lirohet nga karantina do të bëjnë riparime, sepse sipas tij ka pasur dëmtime nga personat që kanë qenë të karantinuar.

“Shpresoj që do të merret një vendim që Qendra e Studentëve të lirohet nga karantina dhe t’i kthehet vetvetes – Qendra e Studentëve për studentë, Ne jemi të gatshëm që gjatë muajve të verës t’i bëjmë riparimet e nevojshme, sepse ka pasur edhe dëmtime nga personat që kanë qenë të karantinuar – t’i kryejmë disa investime që i kemi pasur të planifikuara. Sigurisht që ne jemi të gatshëm që muajin tetor t’i presim studentët e rinj në Qendrën e Studentëve”.

Nga data 18 deri më 23 maj, studentët banues të konvikteve do të kenë mundësinë t’i tërheqin gjësendet e tyre nga konviktet të cilat janë bosh dhe nuk ka të karantinuar.

COMMENTS

WORDPRESS: 0
DISQUS: 0